Robinho

Ef Arabarnir sem eiga núna Manchester City halda að þeir hafi verið að kaupa Ronaldinho, Ronaldo eða e-s konar Maradona gætu þeir orðið fyrir vonbrigðum. Leikmenn sem koma frekar upp í hugann eru Denilson og Mirandinha.

Ég er eiginlega himinlifandi að mínir menn hafi selt Robinho meðan e-r peningur fékkst fyrir hann. Hann er gæddur alls kyns hæfileikum en það hefur farið lítið fyrir þeim á síðustu árum.

Athugasemdir

[Sævar Már Sævarsson, 2.9.2008 kl. 13:31]

Hann skortir styrk og drápseðli.  Guttar sem mæta til veiða með vatnsbyssuna skrölta oft til baka með íbitinn rass.

[Haddi (IP-tala skráð) 2.9.2008 kl. 20:57]

Hvað ertu að bulla Eiríkur? Robinho var lykilmaður í liði Real á síðustu leiktíð. Hann átti erfitt uppdráttar til að byrja með á Spáni en stóð sig mjög vel í fyrra þar sem hann bæði skoraði og lagði upp mikið af mörkum. Get þó verið sammála að það er fínn business að selja hann á 33 milljónir punda.

[EG, 2.9.2008 kl. 23:06]

Ég er ekki að bulla. Allt frá því að hann spilaði frábærlega í fraumraun sinni 2005 hef ég vonast til þess að hann sýndi að hann væri meðal þeirra bestu í heimi. Það hefur hann aldrei verið og í raun fallið í í skuggann af öðrum leikmönnum. Hann átti vissulega fína leiki á síðasta tímabili en það var ekki nóg. Lykilmenn tímabilsins voru Casillas, Ramos, Diarra, Guti, Sneijder og Higuin undir lokin. Robinho var orðinn verulega ósáttur þegar leið á sumarið, bæði vegna þess að hann taldi að sér yrði fórnað ef Ronaldo kæmi auk þess sem hann telur sig hafa fengið fá tækifæri til að vera aðal í Real. Hann hefur hins vegar ekkert gert til að eiga það skilið.

Að því sögðu er hins vegar ljóst að hann hefur hæfileika, hann hefur bara ekki sýnt þá nógu oft með Real. En ég get ekki byggt mat mitt á öðru en því sem ég hef séð með Real. Ég hef meira að segja séð hann live eftir að hann kom úr 40 smokka djammferð til Brasilíu. Þá gaf Schuster honum séns á að sanna sig í CL gegn Olympiakos. Og hann gerði það eftirminnilega en það er ekki nóg að sýna snilld öðru hvoru.

Kannski blómstrar hann með City en það verður þá að skoða í stærra samhengi því varnarmenn á Spáni voru flestir farnir að lesa hann eða þá að hann gat ekki klárað dæmið eftir góðan sprett.

Hins vegar er Real stórt spurningamerki eftir klaufalegt félagsskiptasumar. Ef Raul verður settur á bekkinn og þeir sleppa við meiðsli geta þeir gert þokkalega hluti, annars ekki.