Markaðsvæðing

Ég fann þessa mynd um daginn á netinu. Sá sem tók hana er mikill Liverpool maður sem var á vellinum þegar þeir unnu Milan í Istanbul 2005. Sá leikur fer reyndar í sögubækurnar ásamt sigri Uruguay á Brasilíu 1950, Grikkja á Portúgölum 2004 og Steua Búkarest á Barcelona 1986 sem ein óvæntustu og fáránlegustu úrslit allra tíma. Það sem mér finnst fyndnast við þessa mynd kemur úrslitunum reyndar ekkert við heldur finnst mér hún sýna hvað fótboltinn gengur mikið út á útlit og hvað kemur vel út í sjónvarpi. Takið eftir gæjanum með þennan risavaxna, confettifyllta hárblásara fyrir aftan pallinn. Þetta lítur vel út í sjónvarpi en frá þessu sjónarhorni er þetta í besta falli bjánalegt. Að auki sér ekki nema hluti vallargesta bikarinn fara á loft meðan hinir reyna að rýna i gegnum confetti skýið. Ég legg til að tekinn verði aftur upp sá siður hjá UEFA að notast verði við borð úr næsta grunnskóla sem bikarnum er stillt á og Lennart Johanson rétti sigurvegaranum hann svo við látlausa athöfn. Hitt er eins og dósahlátur. En hverjar eru eftirminnilegustu bikarafhendingar allra tíma. Það er erfitt val því margt kemur til greina. Þegar Bryan Robson tók á móti FA bikarnum 1982, Tassotti tók við bikarnum fyrir Milan í Aþenu 1994 eða flugeldasýningin og ljósashowið sem ég var viðstaddur, þegar Madrid tók við spænska titlinum á heitu sumarkvöldi 2003. Allt var þetta flott en það sem stendur upp úr hlýtur að vera þegar Eggert Magnússon kom færandi hendi í þyrlu með bikarinn til Víkinga eftir sigur þeirra á Víði í Garði 1991. Ég er langt frá því að vera Víkingur en e-ð segir mér að Gulli Helga hafi verið lamaður af gæsahúð þennan eftirmiðdag í Garðinum.

Athugasemdir

[Kjarri (IP-tala skráð) 7.1.2007 kl. 20:32]

Ovaentustu urslit allra tima? Hvernig getur sigur Liverpool verid svona ovaentur tegar lidid var buid ad sla ut m.a. Juventus og Chelsea a leidinni i urslitaleikinn? Og tegar Grikkir voru bunir ad taka ut Tekka og Frakka a leidinni i urslitaleikinn vid Portugali var satt ad segja ekkert sem benti til tess ad annad lidid aetti ad vinna frekar en hitt. Tad hefur kannski komid einhverjum a ovart ad lidid hafi komist i urslitaleikinn en fyrirfram var ekkert haegt ad gefa ser um tennan leik to flestir hafi hallast ad sigri Milan. Tetta var hinsvegar tvimaelalaust einn glaesilegasti sigur svakalegasta endurkoma allra tima, serstaklega eftir ad Liverpool var komid 3-0 undir. Ovaent myndi eg telja urslit eins og tegar Tindastoll slo KR ut ur bikarnum 1989 eda tegar Cardiff slo Leeds ut ur FA Cup fyrir nokkrum arum, ekki tegar tvo af sigursaelustu lidum Evropu eigast vid i urslitaleik Meistaradeildarinnar.

[EG, 8.1.2007 kl. 00:00]

Ég setti þetta aðallega inn til að fá viðbrögð frá þeim stóra Liverpoolhópi sem ég þekki. Hins vegar var þetta óvænt eftir 3-0 og fáránlegt því það var bara eitt lið á vellinum í 114 mínútur. Það minnir mig a.m.k. en því verður ekki neitað að þeir unnu ferendskver.