Að stanna

Ég sá loksins þetta umtalaða myndbrot úr Kompáss þættinum um Byrgið. Hef svo sem ekki áhuga að setja fram merkilegar skoðanir um greiðslur fjölmiðla til viðmælenda eða hvort kynlífshegðun Guðmundar sé óeðlileg eða jafnvel ólögleg. Hins vegar náði maðurinn nýjum hæðum í hallæri með þessum skilaboðum. Sumir myndu jafnvel segja að þarna sé hugtakið að vera hallærislegur komið fram í sinni tærustu og jafnvel fegurstu mynd. Fyrst er að nefna að sá gjörningur að mynda sinn getnaðarlim er stórundarlegur í sjálfu sér og batnar ekki við það að senda myndina úr símanum. Þegar ofan á það bætist að tala um liminn í þriðju persónu sem litla vin og bæta um betur og sletta því svo yfir á dönsku myndu margir meina að nýjum hæðum hafi verið náð. Nei nei þá gengur Guðmundur skrefinu lengra og byrjar að segja "ikke stanna nu" með e-i undarlegri blöndu af reiði, norsku og kokhljóðum. Þarna nær hann þessari fullkomnun í hallærisheitum, sem áður var nefnt, enda hef ég ekki hugmynd um hvað er að stanna. Til hamingju Guðmundur þú ert án efa hallærislegasti maður Íslands. Nái Arnar Gauti og hallæriseftirlitið e-n tímann í skottið á þér, bið ég bara Guð að hjálpa þér.

 

Athugasemdir

[Sævar Már Sævarsson, 29.12.2006 kl. 23:25]

Já, en ef flest af þessu reynist rétt er ýmislegt farið að standa upp á, eða stanna upp á stjórnvöld í þessu máli.  Það koma nýjar fréttir nánast daglega um að hin og þessi ráðuneytin og stofnanir þeirra hafi fengið ábendingar eða umkvartanir vegna háttsemi starfsmanna Byrgisins en ekki haft fyrir því að kanna málið.

En Guðmundur verður seint talinn til mestu töffara landsins, því verður varla mótmælt úr þessu.