Londres

Fór til London síðustu helgi. Alltaf gaman að koma þangað enda eru fáar borgir í heiminum sem bjóða upp á jafn marga viðburði sem maður hefur áhuga á. Enda tók ég á hámenningu, millimenningu og lágmenningu sem aldrei fyrr.

Hámenningin var ferð á Tate Modern og sérstaklegaá sýningu á verkum Mark Rothko. Millimenningin fólst í ferð á Mamma Mia sýninguna og ég get væntanlega fullyrt að eini maðurinn sem varð fyrir vonbrigðum þar var Frakkinn sem þurfti að hella kampavíninu í plastglös þegar hann kom inn í salinn eftir hlé.

Lágmenningin var að sjálfsögðu leikur Fulham og West Ham. Einu sinni var sagt að Zidane væri stundum eins og balletdansari á velli, ergo hámenningarlegur fótbolti. Þessi leikur var bakaðar baunir með feitri pulsu. En þrælskemmtilegur samt. Upp úr boltaferðinni stóð samt gengi krónunnar. Það var ekki nóg að miðinn kostaði 65 pund sinnum 172, heldur var trúin á krónuna það lítil að við fengum ekki að sjá nema hluta af vellinum. Myndirnar segja meira en mörg orð.

 

Þetta breytir því hins vegar ekki að Craven Cottage er sennilega einn best staðsetti völlur Englands, á bökkum Thames.

 

Athugasemdir

[Kjartan (IP-tala skráð) 3.10.2008 kl. 23:05]

"Einu sinni var sagt að Zidane væri stundum eins og balletdansari á velli."

Eitthvað hefur skolast til í minninu hjá þér á strætum Lundúnaborgar. Hið rétta er að einu sinni var sagt að Zidane gerði álíka mikið gagn og þunnhærður, skapbráður og ofmetinn balletdansari með messísarkomplexa á velli.

Svo verðurðu að passa þig á að kaupa ekki miða sem á stendur "restricted view" næst þegar þú ferð á völlinn.

[EG, 4.10.2008 kl. 10:37]

Við vorum ekki í neinum vafa um að vera á restricted view svæði en við fengum bara ekki miða á full view svæði. Þær súlur sem ég þekki best eru hins vegar mun mjórri auk þess sem ég átti ekki von á að sitja beint fyrir aftan eina. Þetta var samt mjög fyndið.

Nenni ekki að taka Zidane umræðuna einu sinni enn.