Einka

Fyndin þessi hugmynd að það sem er að gerast í stjórn Reykjavíkur myndi aldrei gerast í einkafyrirtæki. Þar væri búið að reka alla fyrir þessa vitleysu. Staðreyndin er hins vegar sú að það hefur viðgengist alls kyns vitleysa í fyrirtækjum landsins undanfarin ár, með fáránlegum starfslokasamningum og alls kyns bruðli. FL Group er bara eitt nýjasta dæmið en þau eru fleiri. Það er einfaldlega þannig að þegar fólk kemst að kjötkötlunum (þvílíkur frasi) á sér stað e-r brenglun.

Fyndnari er samt sú hugmynd að allir eigi að segja af sér í borgarstjórn. Af hverju eiga Dagur og Svandís að segja af sér? Er það vegna þess að þau mynduðu nýjan meirihluta þegar sá fyrsti sprakk og voru svo stungin í bakið af manni með óráði. Óskar Bergsson má líka starfa áfram þó ferill hans sé kannski ekki glæsilegur. Ef hann telur Bitruvirkjun mikilvægari en önnur mál verður bara að hafa það. En það er alltaf hálf hallærislegt fyrir nýja stjórn þegar næsti maður á lista styður ekki meirihlutasamstarfið.

Fyndnast er samt að Vilhjálmur "GGV" Vilhjálmsson sé enn á staðnum. Kann þessi maður ekki að skammast sín? Dubbaði upp sjúkan einstakling sem borgarstjóra svo hann gæti náð fram persónulegri hefnd. Og hefur leitt til athlægis, stöðnunar og fáránlegra fjárútláta á rúmu hálfu ári.

Athugasemdir

[Jón Agnar Ólason, 20.8.2008 kl. 16:24]

Ekki ætla ég að mæla manninum með óráðið nokkra einustu bót, né heldur er ég tiltakanlega hrifinn af Sjöllunum á borginni. En - þegar Bingi stakk Sjallana í bakið (með nákvæmlega sama hætti og Óráður síðar) þá hikuðu Dagur og Svandís ekki eitt augnablik.

Er þetta spurning um að eiga frumkvæði að svínaríinu? Eru þeir sem eru til í slaginn hverju sinni ekki alveg jafn svínslegir? Ég ítreka að ég ekki að bera blak af Sjöllum, Framsókn eða Frjálslyndum / Þunglyndum, en ég fæ ekki séð að Dagur eða Svandís séu einhverjir englar í þessu samhengi.