Spánverjar

Síðustu misseri hafa verið Spánverjum mjög gjöful í íþróttum. Án þess að leggjast í mikla rannsóknarvinnu telst mér til að þeir hafi náð eftirfarandi árangri:

Núverandi heimsmeistarar í körfu og silfurhafar á Evrópumóti

Núverandi evrópumeistarar í blaki

Núverandi evrópumeistarar í fótbolta

Heimsmeistarar í handbolta 2005 og silfurhafar á Evrópumóti 2006

Fernando Alonso tvöfaldur heimsmeistari í F1 2005 og 2006

Heimsmeistarar í innanhúsfótbolta

Rafael Nadal er núverandi Wimbledon meistari og sigurvegari á Opna franska

Að auki eiga þeir golfara, reiðhjólamenn og  mótorhjólamenn í fremstu röð.  Veit ekkert um frjálsar.

Ég efast um að margar þjóðir geti státað af öðrum eins árangri.

 

Athugasemdir

[Kjartan (IP-tala skráð) 8.7.2008 kl. 22:28]

Rússar hafa verið að gera góða hluti víða á allra síðustu árum, þótt að á afrekaskrá þeirra vanti titla í vinsælum greinum eins og handbolta og innanhúsfótbolta.

[Sævar Már Sævarsson, 9.7.2008 kl. 09:42]

Til hamingju með þína menn, rauði haugur!!

Er Eurovision ekki örugglega íþrótt??

[EG, 9.7.2008 kl. 17:39]

Sovétmenn voru lengi ráðandi í fjölda íþróttagreina og Rússar hafa eflaust fylgt því eftir að e-u leyti. Man samt ekki í fljótu bragði eftir Rússum eða rússneskum landsliðum sem hafa skarað fram úr upp á síðkastið.

Varðandi handbolta og innanhúsfótbolta þá er handbolti tiltölulega vinsæll í mörgum ríkjum Evrópu, N-Afríku og Asíu. Þó eflaust sé e-ð til í brandaranum um að handbolti komi næst á eftir rottuhlaupi að vinsældum á heimsvísu þá er hann alls ekki eins lítið vinsæll og margir Íslendingar virðast halda. Ég setti innanhúsfótbolta meira inn í gríni en staðreyndin er hins vegar sú innanhúsfótbolti er mjög vinsæll víða og leikmenn eru sérhæfðir innanhússpilarar. M.a. er þessi bolti vinsæll í Brasílíu og margir góðir leikmenn fært sig yfir á gras þ.á.m. Robinho.

[Kjartan (IP-tala skráð) 9.7.2008 kl. 19:20]

Rússar eru m.a. Evrópumeistarar í körfubolta (unnu Spánverja í úrslitaleik) og heimsmeistarar í íshokkí. Svo spái ég þeim sigri á HM í fótbolta fljótlega, ef ekki 2010 þá 2014. Eru ekki Rússar líka ennþá yfirburðafólk í fimleikum og slíku?