STÓRLEIKUR

Heyrði frábæra auglýsingu í gær. Þulurinn æpti í sjónvarpinu og adrenalínið byrjaði að flæða: "STÓRLEIKUR Í DEILDABIKARNUM, MANCHESTER UNITED TEKUR Á MÓTI SOUTHEND UTD."

Tvær athugasemdir við þetta. Í fyrsta lagi er deildarbikarinn hvorki deild né bikar eins skrýtið og það er, tvær aðrar keppnir hafa þann heiður. Með öðrum orðum er þessi keppni hvorki fugl né fiskur. Í öðru lagi getur orðið stórleikur og Southend United aldrei farið saman.

Ég vil benda Sýnar mönnum á að kyngja stoltinu og átta sig á að þeir sýna ekki stórleiki frá Englandi nema þegar ensk lið spila í Meistaradeildinni. Annars missir orðið stórleikur merkingu og þá er nú litill afgangur.

Athugasemdir

[Sævar Már Sævarsson, 7.11.2006 kl. 16:34]

Stærsti leikur ársins fer fram hálfsmánaðarlega og alltaf í beinni á Sýn og gott ef maður hefur ekki heyrt leiki auglýsta sem stærstu leiki knattspyrnusögunnar, áður en þeir fara fram. Sýnarmönnum er velkomið að kíkja við þegar ég les ævintýrið "Úlfur Úlfur" fyrir stelpuna mína en verður að sjálfsögðu hent út að lestri loknum.