Hver er maðurinn?

Þetta er nokkuð erfið spurning en þeir sem hafa áhuga á myndum sem gerðar eru eftir sögum norrænna barnabókahöfunda ættu að eiga möguleika.

Þar sem ólíklegt er að svarið spurningunni komi þá skal það upplýst hér að maðurinn á myndinni lék Jónatan Ljónshjarta í frægri mynd frá 1977 sem m.a. var sýnd í Háskólabíói og svo síðar sem mini sería í sjónvarpinu.

Maðurinn sem heitir Staffan Gotestam var 25 ára þegar hann lék hinn 13 ára gamla Jónatan. Í sögunni er hann eftirlýstur af mönnum Þengils og lýst sérstaklega sem "óvenjufríðum unglingi". Er manni óhætt að fullyrða að enginn sannur harðstjóri, hvoki Saddam né Adolf, hefði staðið sig að því að lýsa óvini sínum sem "óvenjufríðum, með elegant göngulag og augu sem blika eins og allar stjörnur alheimsins."

Ég er hins vegar hræddur um að hefði Jónatan loks skriðið úr fylgsni sínu þrjátíu árum síðar svona útlítandi hefðu fáir tengt útlit hans við umrædda lýsingu. 

Svona litu bræðurnir hins vegar út í myndinni en sá sem lék Snúð starfar nú á pósthúsi í Malmö.

 

Athugasemdir

[Kjartan (IP-tala skráð) 22.4.2008 kl. 22:24]

Lína Langsokkur á efri árum?

[Kristín (IP-tala skráð) 23.4.2008 kl. 12:07]

Lék Snúður ekki líka Brósa í Kalla á þakinu??

Sú sem lék Línu langsokk kom í nokkra spjallþætti hér í Þýskalandi í fyrra (100 ára afmæli Astrid Lindgren) og heitir Inger Nilson og er enn að leika. Hinsvegar hefur ekki borið mikið á Tomma og Önnu á fullorðinsárum en þau komu líka í einn spjallþátt sem ég sá.

[Ása (IP-tala skráð) 23.4.2008 kl. 12:36]

Hann var óvenjufríður þegar hann lék í myndinni, þó að hann hafi verið orðinn 25 ára. En í dag er hann orðinn miðaldra og vægast sagt ekki lengur óvenjufríður ! En hvar í ósköpunum grefurðu svona upp Eiríkur???  

[Unnur (IP-tala skráð) 23.4.2008 kl. 20:15]

Astrid Lindgren á yngri árum?