Katrína

Fellibylurinn Katrína fór um Hjarðarhaga 56 síðastliðinn sunnudag, 15. október. Um er að ræða tríó skipað tveimur bræðrum og frænda þeirra. Ganga þeir undir nöfnunum Jölli Kóla, Emil strákskratti og Sölli sóðableyja. Þrátt fyrir sakleysilegt yfirbragð geta þeir breytt einni afmælisveislu í vígvöll á svipstundu. Þegar verstu hviðurnar gengu yfir leituðu gestir afmælisins skjóls í nærliggjandi íþróttahúsi en húsbóndinn á heimilinu leitaði allra ráða til að takmarka tjónið. Tókst það með mikilli baráttu en ekki mátti miklu muna. En þeir mega eiga það að manni þykir vænt um þá, sérstaklega hvern í sínu lagi.

Athugasemdir

[Ása (IP-tala skráð) 18.10.2006 kl. 10:24]

hahahahaha...............þeir eru SVAKALEGIR þessir frændur! hver skyldi eiginlega eiga þá????

[Laulau (IP-tala skráð) 18.10.2006 kl. 10:36]

Mér finnst þeir nú bera sterkan svip af þér sjálfum Eiríkur!

[Kristín (IP-tala skráð) 18.10.2006 kl. 14:26]

ég held að þeim verði ALDREI boðið aftur, ekki myndi ég bjóða svona börnum!

[Ása (IP-tala skráð) 18.10.2006 kl. 16:12]

Svipurinn á Jölla Kóla er einn sá trylltasti sem ég hef lengi augum litið...........

[Unnur (IP-tala skráð) 18.10.2006 kl. 16:28]

Blessaðir drengirnir, mér sýnist illa hugsað um þá, slíkur er útgangurinn. Jölla kóla hefur greinilega ekki verið þvegið í framan síðan hann kom úr sumardvölinni hjá nunnunum í Papey.
Er komin með varanlegan hlustaverk eftir boðið; tetris, tinntinn eða hvað það nú heitir, að öðru leyti var gaman og gott að borða ;-) Takk fyrir mig!