Samningatækni

Geir Haarde kynnti niðurstöður varnarviðræðna við Bandaríkjamenn í dag. Ég held að við getum hrósað happi og ef maður væri dónalegur væri við hæfi að nota orðalagið að við séum að taka USA í r.......ð!! Þeir þurfa að hafa herstyrk sinn hreyfanlegan (!!) ef öryggi okkar er ógnað en svo kemur rúsínan í pylsuendanum. Við fáum að hreinsa allt draslið upp eftir þá!!

Þvílík niðurstaða fyrir íslenska, sjálfstæða þjóð. Það væri kjörið að grafa pókersvipinn á Valgerði og Geir, sem færðu okkur þennan happafeng, í vax og skella þeim á Madame Tussaud safnið í London. Þannig gætu þjóðarleiðtogar hvaðanæva úr heiminum dáðst að samningatækni okkar bestu manna.

Það verður gaman í framhaldinu að heyra þá gagnrýni sem bandaríska sendinefndin mun fá eftir að hafa spilað rassinn svo eftirminnilega úr buxunum.

En hvað verður nú um NATO? Skiptir það okkur nokkru máli hvort við erum þar eður ei. Eða hefðum við kannski fengið hreyfanlega herinn þrátt fyrir allt?

Athugasemdir

[Sigurður Eðvaldsson (IP-tala skráð) 26.9.2006 kl. 17:49]

Ég er nú ekki jafn viss og þú um að við séum að ná svo góðum samningum.Auðvitað er það jákvætt að bandaríkjamenn skuli skuldbinda sig til að verja okkur ef að okkur steðjar vá.En sú staðreynd að þeir muni ekki þrífa upp eftir sig, er ég ansi hræddur um að eigi eftir að koma í bakið á okkur.Það er svo gífurleg mengun sem að þeir skilja eftir sig að ég stórefast um að vermæti eignanna sem að þeir láta í staðinn standi undir kostnaðinum.En það er víst búið að gera þessa samninga og nú mun sagan einungis geta skorið úr um það, hvort að önnur þjóðin hafi tekið hina í óæðri endann eða hvort að hér hafi verið gerðir sanngjarnir samningar sem að báðir aðilar geta vel við unað.

[Jói (IP-tala skráð) 27.9.2006 kl. 22:21]

Það kæmi mér verulega á óvart ef þetta væri ekki skrifað í kaldhæðni þannig að það er óþarfi að ósammála Sigurður.