Silfur Egils

Egill Helgason er með verðlaun sem kennd eru við Jónas Hallgrímsson á heilanum. Á síðunni sinni skrifar hann þetta:

Ég sakna líka fjölmiðlarfólks af þessum lista – tek fram að ég er ekki að sníkja verðlaun fyrir sjálfan mig – en hvar er mikilvægara að sé notuð góð íslenska en einmitt á fjölmiðlunum?

Það er eitt að vera með mikið sjálfstraust en annað að vera sjúklega góður með sig. Ég efast um að nokkur maður hefði litið svo á að Egill væri að sníkja verðlaun fyrir sjálfan sig þó hann hefði sleppt þessari athugasemd. Egill hefur hvorki gert íslensku gagn eða ógagn í gegnum tíðina. Hann talar vissulega íslensku og skrifar hana en framlag hans nær varla lengra.

En þó að mér finnist út í hött að það hafi hvarflað að Agli að hann ætti séns í verðlaunin þá vil ég samt taka fram að ég er ekki að sníkja þau fyrir sjálfan mig.

Athugasemdir

[Unnur (IP-tala skráð) 20.11.2007 kl. 09:32]

Var þetta copy/paste hjá þér?  Skrifaði hann í alvöru "fjölmiðlaRfólks"? 
Svo ert þú búinn að fá verðlaun, á ekkert að monta sig af þeim á þessari síðu??

[EG, 20.11.2007 kl. 09:48]

Þetta er copy paste en ég hafði ekki tekið eftir villunni. Kannski er það ástæðan fyrir því að ég fékk öðruvísi verðlaun á degi íslenskrar tungu.