RIFF

Kvikmyndahátíð hófst í gær. Fyrir fimmtán árum lá maður yfir dagskránni og pikkaði út það mest spennandi, sem þegar litið er til baka voru kannski oft hundleiðinlegar myndir en aðrar ágætar. Ég man sérstaklega eftir myndinni Erkiengillinn eftir vesturíslenskan náunga sem heitir Guy Madden. Myndin leit út eins og rússnesk mynd frá 1930 og við KGB sátum í bíóinu haustið 1990 og heilluðumst af þessum einstaka stíl leikstjórans. Þegar ég lít tilbaka voru þetta sennilega yfirgengileg leiðindi. En það er víst nauðsynlegt í þroskaferli hvers manns að vera ungur og vitlaus.

Það er ekki þar með sagt að ekki leynist inn á milli gullmolar en í dag hefur maður einfaldlega takmarkaðan tíma og áhuga að vera að elta 25 myndir sem sýndar eru á 1 og 1/2 kvöldi. Því væri gott ef e-r lesandi síðunnar myndi benda á spennandi myndir á hátíðinni. Ég er hins vegar ekki spenntur fyrir ábendingum eins og Dagur Kári kom með í blaðinu í gær. Hann var sérstaklega áhugasamur um mynd eftir mann sem leikstýrði annarri mynd sem gekk svo fram af Degi að hann kastaði upp. Hann var því spenntur að vita hvað leyndist í pokahorninu núna.

Það er ömurlegt að kasta upp. Ef e-ð er ömurlegra en að kasta upp þá er það að kasta upp í bíó. Ég vil því ráðleggja Degi Kára að sitja bara heima og stinga puttanum upp í kok og losa um. Eftir það getur hann hreiðrað um sig í sófanum og horft á Steikta græna tómata. Það er e-n veginn mikið eðlilegra.

Athugasemdir

[Hannes Heimir Friðbjörnsson, 28.9.2007 kl. 11:19]

Ég mæli sterklega með norskri mynd sem er á hátíðinni og heitir Den Brysomte Mand eða The Bothersome Man. Sá hana á DVD í Noregi í vor og er enn að hugsa stundum um hana. Ég mundi taka Dag Kára mjög alvarlega og fara eftir hans ráðum, vinn reglulega með honum og ef það þarf að æla yfir myndum, þá er það bara e-ð sem þarf að gera!

[Lára (IP-tala skráð) 28.9.2007 kl. 15:49]

Ég get nú ekki mælt með neinni þar sem ég er ekki búin að sjá neitt en það sem ég er spenntust fyrir er Control, Shut up and sing, flestar heimildarmyndirnar um Írak og mögulega Savage Grace.  Jú, og líka Crazy Love og Girls Rock.  Nóg að gera hjá mér á næstu dögum greinilega.