Treyja vikunnar 2

Colo Colo 1980:

Colo Colo er ekki mjög þekkt lið á Íslandi en er engu að síður vinsælasta og sigursælasta liðið í Chile. Nafn félagsins er fengið frá Mapuche indíána sem barðist við Spánverja og gafst aldrei upp. Liðið er eina chilenska félagið sem unnið hefur Copa Libertadores keppnina í S-Ameríku og spiluðu þeir þá með auglýsingar frá Lödu. Í kjölfarið töpuðu þeir leiknum um heimsmeistara félagsliða gegn Rauðu Stjörnunni í Tokyo árið 1991.

Treyjan er klassísk síð 70´s adidas treyja með þríhyrningsdiskókraga. Punkturinn yfir i-ið á þessari treyju er hins vegar þessi frábæra auglýsing fyrir Kondór bjórinn. Er e-ð meira viðeigandi en að dreypa á köldum Kondór í skjóli Andesfjalla? Ef e-r fróður Chilefari veit meira um Colo Colo eða Kondór bjórinn má hann endilega henda inn athugasemd.

 

Athugasemdir

[Unnur (IP-tala skráð) 14.9.2007 kl. 13:31]

Ég tel mig hafa yfirgripsmikla þekkingu á Coka Cola og Condoms, er það ekki svipað?