Bestu mörkin

Hið virta knattspyrnutímairt World Soccer valdi á dögunum bestu mörk knattspyrnusögunnar. Nú er ljóst að það hafa verið skoruð allmörg mörk á þessum 130-140 árum sem menn haa sparkað bolta í net og mörg þeirra hafa verið afspyrnufalleg. Að ætla að draga 20 út er því óvinnandi vegur enda kemur það bersýnilega fram á listanum. Ég get fullyrt að ég hef séð mun fallegri mörk en þau sem birtast hér að neðan en sennilega ná þessi mörk inn á listann vegna mikilvægis þeirra auk glæsileika. Mörk úr heimsmeistaramótum og úrslitaleikjum skipa því veglegan sess.

20. Helmut Rahn: Þetta er miðlungs mark en rak hins vegar síðasta naglann í kistu hins frábæra liðs Ungverja á HM 1954. Það besta við þetta myndbrot er lýsing þularins sem minnir á Hitler úr pontu. Það er líka ástæða til að vekja á því athygli að í lokin tekur Fritz Walter við HM styttunni en minnir frekar á búralegan efnafræðinema sem hefur fengið verðlaun við útskrift heldur en heimsmeistara í fótbolta.

http://www.youtube.com/watch?v=N0avCtHStIk

19. Muller: Náði þessu marki ekki einu og sér, en það kemur nokkuð snemma í myndbandinu á móti Englendingum sem spila í rauðum treyjum. Þokkalegt mark en tónlistin er afbragð, einkar lýsandi fyrir HM í Mexíkó 1970.

 http://www.youtube.com/watch?v=ZbUeB20ty_c

18. Best: Bretar þreytast ekki á að tala um Best og reyna að bera hann saman við Pele og Maradona. Ég efast ekki um að hann var afburðaleikmaður en hann var enginn Maradona. Þetta mark er nokkuð gott en þó má ekki gleyma því að það er skorað gegn Sheffield Wednesday.

http://www.youtube.com/watch?v=x2_WJkegEc4

17.  Baggio: Kristín Finnsdóttir, kennari og tveggja sona móðir, kallaði þennan leikmann alltaf pissudúkkuna. Kannski var það skottið, kannski var það kvenleg mýktin en þetta mark er allavega í háum klassa.

 http://www.youtube.com/watch?v=oSjoK-4G6p4

16. Owen: Englendingar geta auðvitað ekki sleppt þessu marki en þetta er vissulega frábær sprettur hjá stráknum.

 http://www.youtube.com/watch?v=KCGkiwQqp3o

15. Cambiasso: Þetta er frábært mark, það er engin spurning. Serbar höfðu fengið á sig 1 mark í undankeppninni og eitt á mót Hollendingum. Ég þreytist ekki á að lýsa aðdáun minni á þessu argentíska liði.

 http://www.youtube.com/watch?v=6R_iYLca2gc

14. Bergkamp: Frábært mark hjá Hollendingnum. Móttakan, gabbhreyfingin og afgreiðslan eins og best verður á kosið. Ayala greyið úti á túni eins og á móti Owen.

 http://www.youtube.com/watch?v=Mo7IgS_x_fc

13. Rivaldo: Ég held að Flóki Halldórsson hafi verið á vellinum þegar þetta mark var skorað. Því verður ekki neitað að þetta er afspyrnuglæsilegt auk þess sem þetta kom barca í Meistaradeildina.

 http://www.youtube.com/watch?v=is5A5miv6XM

12. Giggs: Blautur draumur hvers United manns. Ryan Giggs afhjúpar loðna bringuna eftir 60 metra hlaup gegn Arsenal.

 http://www.youtube.com/watch?v=EgHi3D7OjNs

11. Villa: Þetta mark er í mesta lagi þokkalegt og á tæplega heima á þessum lista.

http://www.youtube.com/watch?v=wHMSqea3OX8

10. Messi: Maradona markið. Ég er ekki frá því að þetta sé betra mark en Maradona skoraði ef maður veit ekkert um mótið eða mótherjana. Klassamark, því verður ekki neitað, en dugði skammt.

http://www.youtube.com/watch?v=hokq-7olthE

9. Maradona: Flott mark hjá Maradona en þetta er aðeins of auðveld. Var Maradona svona rosalega góður eða voru Belgarnir að hugsa um bjór og krækling með frönskum?

  http://www.youtube.com/watch?v=PFKYOMdesdc

8. Puskas: Ómetanlegt mark. Englendingar höfðu aldrei séð aðra eins takta sem sést best á ömurlegri skriðtæklingu varnarmannsins, hann dettur bókstaflega á rassinn. Einfalt og flott.

 http://www.youtube.com/watch?v=ZCaEDoB2oxc

7. Carlos Alberto: Menn voru greinlega orðnir þreyttir í sólinni í Mexíkóborg enda er þetta mark í slow motion.  Ekki í uppáhaldi á þessum bæ.

http://www.youtube.com/watch?v=0HrjevD2vhk

6. Archie Gemmill: Þetta mark hefði aldrei komist inn á lista hjá blaði sem hefði ekki breskar rætur. Markið er reyndar mjög flott og verður enn þá flottara þegar manni verður hugsað til Trainspotting.

 http://www.youtube.com/watch?v=d1axsnMRbbo

5. Pele: Sautján ára óspjallaður Pele sýndi frábæra takta gegn Svíum í úrslitum 1958. Þetta hefur kannski verið gert betur en í sögulegu samhengi er þetta flott mark.

 http://www.youtube.com/watch?v=k1tKmCgF0sE 

4. Owairan: Óværan frá Saudi Arabíu lék Belga grátt 1994. Sennilega kann enginn að rekja bolta í Belgíu enda kemur það þeim alltaf í opna skjöldu þegar e-r tekur sprett gegn þeim. En spretturinn er góður þó hann verði hálf klaufalegur í blálokin.

http://www.youtube.com/watch?v=y8w89sl7Grc

3. Zidane: Þetta er frábært mark sem tryggði Real titilinn í CL. Ekki fyrsta markið með viðstöðulausu skoti en þetta er svona staður og stund mark. En því verður ekki neitað að afgreiðslan er snilld, sérstaklega þegar litið er til þess hvað boltinn kemur úr mikilli hæð. Ég held að þulurinn sé sammála.

http://www.youtube.com/watch?v=bcsE_M19gVo

2. Basten: Þetta er í mínum huga besta mark allra tíma. Sovétmenn eru að komast inn í leikinn af krafti og þá ná Hollendingar hraðri sókn og sjálfur Arnold Muhren sneiðir boltann inn í teig þar sem Basten smellir honum með slíkri nákvæmni að annað eins hefur ekki sést. Man ennþá að Bjarni Fel datt út þegar markið var skorað, slíkur var kyngimagnaður kraftur þess.

http://www.youtube.com/watch?v=bBNDlQvPYxw

1. Maradona: Viðbrögð þularins segja allt sem segja þarf um þetta mark. Augljóslega snilld sem mun toppa þennan lista á sama hátt og Citizen Kane í bíó og Sgt. Peppers í tónlist. Fyrir þá sem ekki skilja spænsku þá þýðir llorar að gráta.

 http://www.youtube.com/watch?v=D-9I5DD6p4k

 

Athugasemdir

[Hannes Heimir Friðbjörnsson, 21.8.2007 kl. 13:45]

Þetta er stórkostlegur pistill og búið að vera hrein skemmtun að horfa á þetta, skemmtilegast fannst mér að heyra SkidRow spilað undir í Muller syrpunni, eins viðbrögðin hjá Hollenska þulinum í Bergkamp markinu, maðurinn gjörsamlega missti það. Það vantar þó fyrsta mark Tony Yeboah sem hann skoraði fyrir Leeds!! Kannski hlutdrægur en það var afspyrnu fallegt mark!

[Jón Agnar Ólason, 21.8.2007 kl. 13:51]

Sammála Nesa Rokk; þetta er frábærlega afgreidd upptalning og fróðlegur listi um margt. Ég verð að taka undir með höfundi að Marco Van Basten á toppinn skilið, það er magnaðasta mark sem ég hef séð. Einhvern tímann hefði goðsagnakennd hjólhestaspyrna téðs Van Basten fyrir Ajax ratað á topp 20. Svo er ég alltaf hrifinn af marki Dejan Savicevic með AC Milan gegn Barcelona í CL úrslitaleiknum í Aþenu 1994. 

[Kjartan (IP-tala skráð) 21.8.2007 kl. 19:38]

Gunnar Oddsson fyrir KR gegn Þór Akureyri árið 1988. Finn það ekki á YouTube einhverra hluta vegna.

[Sævar Már Sævarsson, 21.8.2007 kl. 23:13]

Eins og alltaf fá Sovétmenn ekki að vera með þegar svona listar eru smíðaðir.  Þar sem Belgar virðast snillingar í að fá á sig flott mörk hefði markið hjá Igor Belanov gegn þeim á HM 86 mátt vera á listanum og eins markið hans Vasiliy Rats gegn Frökkum í sömu keppni.

Í öðru lagi, það er ekki öllum gefið að skora gegn Sheffield Wednesday, sérstaklega þegar Viv Anderson var í hjarta varnarinnar og Carlton Palmer afturliggjandi miðjumaður.

Að lokum, það er synd að Basten hafi skorað þetta ólýsanlega flotta mark í þessum ólýsanlega ljóta búningi, nú fatta ég af hverju ég felldi tár á þessu augnabliki.  Sovét treyjurnar eru hinsvegar klassísk tískuvara.