Undarlegt

Getur e-r sagt mér hvernig á því stendur að 60 milljóna þjóð sem hefur takmarkalausan áhuga á fótbolta og getur lítið sem ekkert í öðrum hópíþróttum, getur ekki mætt með 22 góða leikmenn á HM? Það þýðir ekki að kenna Eriksson um, það þýðir ekki að kenna dómaranum um, það þýðir ekki að kenna hitanum um, það þýðir ekki að kenna grasinu um og það þýðir ekki að kenna boltanum um. England er ekki lengur á HM og ástæðan fyrir því er einföld, þeir eru ekki nógu góðir. Meira að segja Chris Waddle sjálfur sagði í Guardian að þeir væru "over hyped". Það lýsir enska liðinu ágætlega.

Reyndar hefði ég líka viljað Portúgalina út, þvílíkt leiðindalið. En þeir voru með fáránlega taktík, fara í vítakeppni og vinna. Og það gekk fullkomlega upp.

Annars finnst mér merkilegt að lesa í Guardian að Englendingar geti verið sáttir að hafa farið lengra en Spánverjar og jafnlangt og Argentínumenn. Hvernig er hægt að bera lið saman á þennan hátt? Ég er enn sannfærður um að Argentína hafi verið með besta liðið í þessu móti og það er móðgun að bera enska liðið saman við það. Að sama skapi er ekki hægt að bera það saman að tapa fyrir Frökkum sem unnu Brassa við það að komast áfram með því að vinna Ecuador. En ég hef svo sem enga ástæðu til að verja heiður Spánverja, þeir voru bara ekki nógu góðir þegar á reyndi.

Á sama hátt er algerlega út í hött að spila um þriðja sætið í mótinu.

Ætli það verði ekki Ítalía-Frakkland í úrslitum. Ítalir eru mestu party poopers sem til eru og það hljóta margir að gleðjast yfir því að sjá Zidane í sínu gamla góða formi. Hann skyggði algerlega á Ronaldinho, sem ég sá satt að segja varla í leiknum. Reyndar tók Dinho eina af sínum frægu aukaspyrnum, stillti sér upp, horfði einbeittur á vegginn og......ekkert.

 

 

Athugasemdir

[Jón Agnar Ólason, 2.7.2006 kl. 10:57]

Með þeim fyrirvara að ég sé ekki eftir Englendinum út úr keppninni, þá skal ég segja þér hvað mér finnst undarlegt við þetta landslið: Að Steven Gerrard skuli hafa verið baka til á miðjunni í stað þess að fá að böðlast fram á við og þruma á markið, eins og hann gerir hjá Liverpool; að Frank Lampard hafi sleitulaust spilað alla leiki þegar við blasti að maðurinn er ekki í stuði - hann gat ekkert í þessari keppni, EKKERT; og loks að Shrek Rooney skuli ekki vera sendur til sálfræðings því þetta tröllvaxna hegðunarvandamál hans kemur enska landsliðinu og Man Utd sífellt í heljarklandur. Ég meina, maður drepur ekki í slátrinu á liggjandi andstæðingi með dómarann standandi tvo metra frá, jafnvel þótt Ricardo Carvalho sé sjálfur fæðingarhálfviti. En eini gallinn við að Englendingar séu úr leik er að þetta ömurlega leiðinlega portúgalska lið er komið áfram, og nú verða bara Zizou & Co að afgreiða þá, því annars er mér öllum lokið.

[Kjarri (IP-tala skráð) 2.7.2006 kl. 13:51]

Þetta var Shrek að kenna og engum öðrum. Enska liðið spilaði sinn langbesta leik á mótinu í gær og það er náttúrulega alveg portú-galið að þeir hafi ekki unnið leikinn því þeir voru miklu betri. Tek undir með síðasta ræðumanni, það þarf að senda þetta gerpi í einhverskonar meðferð. Helst raflostsmeðferð, og pant fá að vera á áhorfendabekkjunum. Ég get eiginlega ekki gert upp milli Frakklands og Portúgal, hata þessi lið bæði jafn ósegjanlega mikið, hata Skítalíu öööööörlítið minna og styð því Þjóðverja heilshugar til sigurs - sem þýðir að þeir detta út í næsta leik.

[Kristín (IP-tala skráð) 3.7.2006 kl. 12:04]

Skilaboð frá HM-landi, Eiríkur vinsamlegast EKKI halda með Þýskalandi!!!!!!!!!!!!
Ekki skemma þennan draum, Deutschland in die Finale!!!!!

[rafn hilmarsson (IP-tala skráð) 3.7.2006 kl. 15:43]

Frakkarnir vinna Portúgali og Ítalir Þjóðverja. Þá er bara að halda með Ítölum en því miður eiga Frakkar eftir að vinna þá með tilheyrandi hroka sem á eftir fylgir ; Henry hlaupandi um völlinn með fingur á munni, úff mér verður illt í hjartanu að hugsa um þetta. Hvernig er annars hægt að haga sér svona eins og ofdekraður krakki, af hverju er enginn sem kennir þessum fíflum mannasiði. Leikrit Henry´s þegar hann kastaði sér niður með hendur um andlit eftir að Puyol rakst í magann á honum segir allt sem segja þarf um innræti svona leikmanna. Vona að Ítalir sendi Canavarro eða slátrara af svipuðu kaliberi honum til höfuðs og kenni honum hvernig karlmenn spila fótbolta!

[Unnur (IP-tala skráð) 4.7.2006 kl. 13:26]

Forza Italia ;-)