Nokkur orð um klám

1.3.2007 | 00:10

Ég ætla nú ekki að fá þetta á heilann en andstaða Íslendinga við ákvörðun Bændasamtakanna hefur komið mér á óvart. E-a hluta vegna hefur þessu umræða snúist annars vegar um hvað femínistar eru vondar og frekar og hins vegar hvað klám sé eðlilegt og í miklu samræmi við frelsi einstaklingsins til að taka eigin ákvarðanir.

Í fyrsta lagi hafa femínistar eins og aðrir rétt á að tjá skoðun sína og hatrið gangnvart þeim er oft á tíðum undarlegt. Sumt af því sem þær/þeir segja og gera orkar tvímælis og oft erfitt að vera sammála aðferðafræðinni en stundum er eins og nýnasistar séú á ferð, slík ofsafengin viðbrögð vekja aðgerðir þeirra.

Í öðru lagi þá var þessum hóp ekki bannað að koma til Íslands enda er slíkt vald hvorki í höndum femínista né bænda. Þetta var ákvörðun sem var tekin af eigendum hótelsins m.a. vegna vanþóknunar yfirvalda. Ég er ekki frá því að þeir sem sjá eftir þessum hópi verði að beina gremju sinni að fleirum en feministum enda hafa aðgerðir þeirra ekki fengið jafn skjót viðbrögð áður, að mig minnir. Kannski eru flestir borgarfulltrúar einfaldlega ekki hrifnir af klámi og telja slíka ráðstefnu ekki æskilega burtséð frá skoðunum femínista. Það er þá alltaf hægt að kjósa þann sem lofar fullu fundafrelsi fyrir næstu kosningar.

Í þriðja lagi var þetta ekki partý eða tilvijanakenndur hittingur. Þetta átti að vera ráðstefna þar sem menn eru að koma á viðskiptasamböndum og jafnvel útbúa klámefni. Skiptir kannski ekki öllu máli en aðalatriðið er að það var engum bannað að koma til landsins. Ég hef alla vega ekki heyrt á það minnst að lögregla biði á Leifsstöð og meinaði þessum aðilum komu til landsins.

Í fjórða lagi efast ég ekki um að mikið af því efni sem ráðstefnugestir framleiða er fullkomlega löglegt hér og þar, leikararnir gera þetta af fúsum og frjálsum vilja og engin vandamál. Það á að vera hverjum þeim, sem svo kýs, að vera heimilt að horfa á slíkt efni og framleiða það. Tiltölulega erfitt að vera á móti því eða rökstyðja hvers vegna hver og einn má ekki hafa um þetta val. En þá verður að vera um eðlilegt val að ræða. Versti glæpurinn verður þá væntanlega að manni hættir til að vera helv... hallærislegur.

Það sem verra er snýr að öðru, og þá er ég ekki að tala um vændi og neyð. Inni á þessum síðum, sem nefna má klámmiðlanir, er mjög oft að finna efni þar sem barnalegar stúlkur eiga í samræði við menn sem virðast vera eldri og oft eru þær merktar t.d. með hárbandi að þær séu "Teens". Í slíkum tilvikum skiptir engu máli hvort viðkomandi "leikkona" er 18 ára, tilgangurinn er að gefa þá mynd að um ungling sé að ræða.

Svo er fólk hissa á að MSN-ið sé fullt af mönnum sem vilja komast í kynni við unglingsstúlkur. Svona efni vekur einfaldlega upp afbrigðilegar kenndir eða geta gert það. Til hvers að vera að berjast fyrir því að slíkar myndbirtingar séu látnar óáreittar? Að ætla að mótmæla þessu er eins og að nota gamlan NRA frasa um að byssur drepi ekki fólk, það geri menn. Þau rök hef ég aldrei keypt.

Það sem eftir stendur er að hér á landi er skoðanafrelsi og réttur til að tjá skoðun sína sem flestir hafa nýtt sér. Eigendum Hótel Sögu var einnig heimilt að afbóka en hvort þeirri verði skaðabótaskyldir vegna þess verður að koma í ljós. En það er ekki endalaust hægt að verja rétt dónakalla til að skoða efni af stúlkum sem líta varla út fyrir að vera kynþroska. Það hljóta allir skynsamir menn að vera sammála um.

Flokkur: Bloggar | Breytt s.d. kl. 00:33 | Facebook

Athugasemdir

Svarið er einfallt - Femínistar og fleirri gengu alltof langt. Minni á ásakanir um barnaníðingshátt, mansal, og kynferðislegt ofbeldi - það eina sem vantaði voru ásakanir um mannát, það hefði endanlega kórónað ........ Svo er líklega að góður meirihluti þjóðarinnar - ekkert andsnúin kynferðislega opinskáu efni. Fólkið hafði heldur ekkert brotið af sér! Þetta er ekkert flókið og almennum borgurum hefur greinilega ofboðið þessi óvandaði fordómafulli málatilbúnaður.

kveðja

Sveinn

Sveinn V. Ólafsson (IP-tala skráð) 1.3.2007 kl. 01:12

Ég efast ekki um að mörgum finnist feministar og aðrir hafa gengið of langt en kannski hafa þær rétt á því, kannski ekki. Ég hef ekki hugmynd um undir hvaða kringumstæðum það efni, sem finna má inni á síðum þessara aðila, er tekið upp. Og hver er tilgangurinn með því að gefa í skyn að fyrirsætur eða leikkonur séu unglingar og þar af leiðandi börn skv. lögum? Eru þær það kannski? Ég held að meirihluti landsmanna viti ekki hvað finna má inni á þessum síðum og þeir sem halda því fram að vændi, mansal osfrv tengist ekki klámi verða að taka eitt skref inn í raunveruleikann. Að sjálfsögðu ekki öllu klámi en e-m hluta þess og það er grafalvarlegt mál. Svo er líka óumdeilt að klám er bannað með lögum á Íslandi þó eftirlitið sé ekki mikið. En það ærir kannski óstöðugan að fylgja þeim lögum.

EG, 1.3.2007 kl. 09:27