Fagnandi

Ég var að horfa á myndir úr leik Reading og Man Utd þegar það rifjaðist upp fyrir mér hvað Ole Gunnar Solskjaer fagnar mörkum sínum asnalega. En það eru fleiri slæmir og því tilvalið að setja upp lista af lélegum fögnum:

1. Ole Gunnar Solskjaer: Litli Norðmaðurinn með barnsandlitið virðist bara hafa tök á því að fagna með munninum en gerir það með stæl. Þegar boltinn hefur farið yfir línuna  festist munnurinn í þvílíkri brosgeiflu að maður gæti að haldið að til stæði að fæða 22 marka barna með munninum. Með bros á vör.

2. Thierry Henry: Ég hef áður minnst á "ég er svo ógeðslega góður og kúl" fagnið hans Henry en ég sá Saha taka sambærilegt fagn í Reading leiknum. Kannski er þetta franskur andskoti en breytir því ekki að þetta er verulega vont.

3. Pippo Inzaghi: Þessi leikmaður er óþolandi fyrir margra hluta sakir og ekki síst fyrir "hauslaus kjúklingur fær raflost" fagnið þar sem hann hristist og skelfur á hlaupum líkt og hann sé í dauðateygjunum.

4. Hörður Magnússon: Einn gamall en fyrir ca. 15-16 árum fagnaði þessi spræki sjónvarpsmaður eins og taktlaus, valhoppandi flóðhestur. Afspyrnuvont.

5. Alan Shearer: Með algert trademark. Boltinn kominn inn, best að setja upp kryppu, aðra hendina upp til hálfs með flötum lófa og hlaupa svo hálfan völlinn með liðið á eftir sér. Er Richard Nixon hefði verið fótboltamaður hefði fagnið hans verið svipað í "I´m not a crook" stíl.

6. Eiður Smári: Ég veit að þetta eru helgispjöll en ég fæ alltaf nettan aulahroll þegar okkar maður tekur "Gjörið þið svo vel, þetta var í boði Eiðs Smára" fagnið.

7. Guðmundur Ben: Þar sem Valsarinn spræki er enn í fullu fjöri verð ég að minnast á fagnið þar sem hann krýpur eins og riddari, kreppir hnefa og gerir svona slow motion sigurhreyfingu með annarri hendinni. Erfitt að lýsa þessu en þeir sem hafa séð þetta vita hvað um ræðir.

8. Bubbi: Ekki fótboltamaður en slow motion boxhreyfingin sem hann gerði þegar hann vann verðlaun á Íslensku tónlistaverðlaununum verðskuldar að minnst sé á það.

9. Eyjamenn: Eyjafögnin urðu fljótt jafn þreytt og Silvía nótt í Júróvisjón.

Man ekki eftir öðrum í bili en lesendur mega gjarnan koma með tillögur.

Athugasemdir

[Sævar Már Sævarsson, 1.3.2007 kl. 00:28]

10. Igor Belanov: Hljóp frá markinu með báða hnefa á lofti eins og boxari í vörn, síðan byrjaði hausinn að hristast og andlitið að vísa upp, þannig að undir lok fagnsins gat hann allt eins verið nýfrelsaður ólánsmaður á hápunkti einnar samkomunnar í Krossinum.

11. Tomas Skuhravy: Ekki ósvipaður Hödda nema með svo óendanlega ljótt sítt að aftan sem magnaði upp ljótleika fagnsins.

[Sverrir (IP-tala skráð) 1.3.2007 kl. 13:00]

Steingrímur Jóhannesson átti gott fagn á Laugardalsvelli hér um árið. Það var í leik í fyrstu umferð og Steingrímur tekur "renna sér á hnjánum í blautu grasi" fagnið. Nema hvað, það var ennþá frost í jörð þannig að kallinn stoppar bara, hendist fram fyrir sig og meiðist. Emile Heskey á samt slakasta vörumerkið. DJ fagnið.  

[Kjarri (IP-tala skráð) 1.3.2007 kl. 16:20]

14. John Arne Riise. Tegar hann kom fyrst til Liverpool og skoradi falleg mork brast ekki ad hann togadi treyjuna yfir hausinn a ser, kreppti magavodvana og renndi ser sigri hrosandi i att ad ahorfendum. Tetta var ohemju hallaerislegt og pirrandi, enda for svo ad hann haetti tessum staelum fljotlega, hefur liklega verid hotad barsmidum af tjalfara og lidsmonnum sinum (einu sinni sem oftar).

[Kjarri (IP-tala skráð) 1.3.2007 kl. 16:30]

15. Eric Cantona. Mjog liklega hofundur "Eg er svo ogedslega godur og kul"-fagnsins, en fagnid hefdi eiginlega frekar att ad heita "Eg er svo ogedslega ofmetinn, veikur a gedi og leidinlegur"-fagnid. Mjog gott daemi um fagn sem bjanum thotti og thykir toff.

[Unnur (IP-tala skráð) 2.3.2007 kl. 09:03]

Ég dey, þið eruð svo fyndnir drengir.
Ég myndi samt vilja sjá öll þessi fögn tekin læf af ykkur, vinsamlegast, fyrir næsta hitting stórfjölskyldunnar!

[Jón Agnar Ólason, 4.3.2007 kl. 00:17]

16. Thomas Brolin, það sænska varmenni með beibífeisið, stökk alltaf upp í °360 snúning þegar hann fagnaði. Meiddi sig einu sinni illa á hné við þessa bjánatilburði og missti af afgangi þess tímabils með liði sínu, Parma. 

17. Kiko Narvaez, kempa hjá Atletico Madrid hér á árum áður, hljóp iðulega með lófana aftan við eyrun til að heyra stuðningsmenn kalla nafn sitt þegar hann skoraði. Alveg glatað. 

[Jón Agnar Ólason, 4.3.2007 kl. 00:21]

18. Að ekki sé minnst á hinn svissneska Stéphane Chapuisat, framherja CL-sigurliðs Borussia Dortmund 1997 - hann hafði það fyrir sið að æpa á varnarmenn í hinu liðinu hvenær sem hann skoraði; hljóp að einum eða tveim og öskraði einhverja "svissnesku" á þá. Eftirminnilegur fyrir þetta snarklikkaða fagn, sem og þá staðreynd að gaurinn var ljótari en tárum taki...